Barcelona ka udhëtuar që të hënën pasdite drejt Milanos, ku do të luajë sot ndeshjen me Interin, të vlefshme për ndeshjen e kthimit të gjysmëfinaleve të Ligës së Kampioneve. Me katalanasit në avion nuk ka qenë i pranishëm Zhyl Kunde, i cili është dëmtuar në sfidën e parë.
Lojtari do të mungojë në këtë duel, por ai ka zgjedhur që të shkojë vetë drejt qytetit italian për të parë ndeshjen në fjalë. Dhe nuk e ka bërë këtë si yjet e mëdhenj të futbollit, me avion çarter apo duke udhëtuar në klasin biznes.
Francezi është pikasur në klasin turistik në një fluturim të linjave “low cost” nga Barcelona në Milano, duke udhëtuar në një grup të madh tifozësh katalanas që po shkonin atje për ndeshjen. Edhe pse me kapuç në kokë dhe syze dielli, Kunde nuk ka mundur t’i shpëtojë syrit të tifozëve, të cilët e kanë përshëndetur me kore pas udhëtimit të tyre.
wtf just landed together w Kounde in Milan pic.twitter.com/Zmoq4VRseF
— Leart Bucaliu (@leart_bucaliu) May 6, 2025
PANORAMASPORT.AL
