Portugalia arriti një fitore përballë Bosnje & Hercegovinës me rezultatin 3-0, por festa më e madhe ishte për tifozin numër 1 të Kristiano Ronaldos, “YouTube”-rin e njohur, I Show Speed.
18-vjeçari amerikan u bë i famshëm në rrjetet sociale si një tifoz special i yllit portugez dhe madje vendosi në shumë raste që të shkonte dhe ta ndiqte nga afër në stadium.
Së fundmi, ai ishte prezent në Lisbonë dhe falë ndihmës së yllit te Milanit, Rafael Leao, ëndrra e Speed u bë realitet.
18-vjeçari takoi Ronaldon në parkingun e stadiumit, me Leaon që i doli përpara makinës për ta ndaluar, në mënyrë që legjenda portugeze të takonte fansin e tij numër 1.
Në ato momente Speed ju ul në gjunjë dhe më pas e përqafoi, duke bërë gjithashtu dhe festimin e famshëm të Ronaldos, “Siiiuuu”.
Më pas Speed u shtri në tokë dhe nuk i ndaloi më lotët, duke realizuar ëndrrën e tij më të madhe.
Përpara se të takonte Ronaldon, Speed gjithashtu takoi motrën e portugezit, legjendën Rui Kosta dhe madje presidentin e Federatës Portugeze të Futbollit, me këtë të fundit që i dha një fanellë të personalizuar.
PANORAMASPORT.AL
