Reali i Madridit është rikthyer te fitorja në La Liga, teksa mbrëmjen e sotme mposhti me rezultatin 0-3 Gironën në duelin e vlefshëm për javën e 16-të. Ky ishte suksesi i 11-të në kampionat për skuadrën e Ançelotit, që duket se i ka “futur të dridhurat” Barcelonës, duke ngushtuar diferencën në vetëm 2 pikë me katalanasit që kanë një ndeshje më shumë.
Për sa i përket duelit të sotëm, Bellingham, zhbllokoi shifrat në minutën e 36-të, teksa pjesa e parë u mbyll me rezultatin 0-1.
Në fragmentin e dytë të sfidës, madrilenët shënuan edhe 2 herë të tjera me Guler dhe Mbape në minutat 55 dhe 62 duke hipotekuar fitoren.
Duelin e radhës Reali do e luajë ndaj Vajekanos në transfertë, ndërkohë që Girona luan ndaj Majorkës po në transfertë.
PANORAMASPORT.AL
