Trabzonspori i vendit të tretë në kampionatin turk është mundur sot në mënyrë të papritur në transfertë ndaj Alaniaspor, një skuadër që luante për mbijetesën. “Meritë” për rezultatin 3-1, ka edhe një gafë e pazakontë e prapavijës që u dhuroi vendasve golin e dytë.
Alaniaspor, në radhët e të cilës aktivizohen edhe futbollistët e Kosovës, Fidan Aliti dhe Florent Hadërgjonaj, kaloi në avantazh me Ajdin në minutën e 8 dhe më pas, dyfishoi shifrat para fundit të pjesës së parë falë një episodi qesharak.
Portieri Çakir i pasoi topin në rivënie në lojë Densvil, por ky i fundit as nuk e kishte mendjen te ajo që po ndodhte dhe pa Ajdin t’i afrohej me shpejtësi dhe të dërgonte sferën përsëri në rrjetën e ekipit mik, duke dyfishuar shifrat.
SHIH VIDEON
Pamjet kanë bërë xhiron e rrjetit dhe padyshim për të gjithë, kjo cilësohet si gafa e vitit në futbollin turk.
PANORAMASPORT.AL
