Atletiko Madridi regjistroi një humbje zhgënjyese në gjysmëfinalen e Kupës së Mbretit teksa u mposht nga Atletiko Bilbao me rezultatin 3-0 në sfidën e kthimit duke u eliminuar në sfidën që u dominua nga baskët.
Protagonistë absolutë në këtë duel ishin vëllezërit Uilliams. Fillimisht në minutën e 13-të ishte Iniaki Uilliams që pas asistit të vëllait të tij Niko tundi rrjetën, ndërkohë që në minutën e 42-të, vëllezërit Uilliams ndryshuan rolet, Inaki asistoi për Nikon.
Ky duel u vulos nga goli i Guruzetas të realizuar në minutën e 61-të. Vlen të theksohet fakti se Bilbao kishte triumfuar edhe në duelin e parë në Madrid me rezultatin 0-1.
PANORAMASPORT.AL
