Skuadra e Interit u shfaq me gjithë prepotencën e saj në sfidën me Lazion në ‘Olimpico’, ku fitoi me me rezultatin e thellë 0-6. Një sukses që i ngjit zikaltrit në vendin e dytë me 34 pikë, tri më pak se Atalanta kryesuese.
Takimi mes Lazios dhe Interit zhbllokohet në fundin e pjesës së parë. Gjatë zhvillimit të një goditjeje këndi, zikaltrit arrijnë të shënojnë, por kryesori ndërhyn për lojë të rrezikshme të De Vrij.
Pas verifikimit të pamjeve në sistemin VAR, u kuptua që, më herët, në një dyluftim ajror, kishte prekje të topit me dorë nga një mbrojtës i Lazios dhe me të drejtë akordohet penallti.
Goditjen nga pika e bardhë e merr përsipër Calhanoglu, që nuk gabon, 1-0. Disa minuta më vonë vjen edhe goli i dytë i shënuar nga Dimarco pas asistit të Dumfries.
Dominimi i Interit vijon edhe në pjesën e dytë: në minutën e 51-të shënon Barella dhe dy minuta më vonë, Dumfries. Golin e radhës për Interin e realizoi Carlos Augusto në të 77–tën, ndërsa në minutën e fundit tundi rrjetën edhe Thuram.
