Parma bën surprizën e madhe në javën e 10-të të Serisë A. Skuadra emiliane barazoi 2-2 në fushën e Juventusit, duke marrë barazimin e radhës në kampionat.
Nis me një surprizë të pakëndshme për bardhezinutë takimin në “Allianz Stadium”: që në minutë ne tretë Del Prato shënon në portën e Di Gregorios, duke e ndezur shumë shpejt sfidën.
Kundërpërgjigjja e “Zonjës së Vjetër” erdhi në minutën e 31-të me McKenny, por në fundin e pjesës së parë realizoi sërish Parma me Sohm.
Sigurisht që bardhezinjtë nuk mund të pajtoheshin me këtë rezultat dhe pak pasi nisi pjesa e dytë Weah barazoi shifrat në 2-2.
Loja ishte e hapur deri në sekondën e fundit, me raste në të dyja portat, por nuk pati ndryshim tjetër rezultati.
Ndërkohë në duelin tjetër, Atalanta e Berat Gjimshtit, bëri detyrën në shtëpi, duke triumfuar me rezultatin 2-0 ndaj Monzës, në sfidën ku u aktivizua titullar mbrojtësi i Kombëtares shqiptare. Për bergamaskët kjo ishte fitorja e katërt radhazi në Serinë A.
