Juventusi ka arritur të mundë Real Madridin në një miqësore në Amerikë me rezultatin 3-1. Skuadra e Alegrit e ka gjetur golin e parë shumë shpejt, aty ku Moise Kin i kanë mjaftuar vetëm 50 sekonda për të zhbllokuar takimin.
Pak minuta më vonë, ishte radha e Ueah për të shënuar golin e tij të parë me fanellën e Juventusit dhe të dytin për skuadrën e tij. Ndërkohë, në të 38-ën ishte radha e Vinisius për të ngushtuar diferencën në 2-1.
Në fundin e takimit ka menduar edhe Dushan Vlahoviç për të lënë shenjën e tij. Pas një pasimi në zonë, Vlahoviç ka arritur të shënojë duke u ndihmuar pak edhe nga portieri kundërshtar. Për Juventusin kjo ishte fitorja e dytë në SHBA, pasi pak ditë më parë mundi Milanin. Sakaq, Reali njeh 1 fitore dhe 2 humbje.
PANORAMASPORT.AL
