Një penallti e dhënë në minutat shtesë dhe e shndërruar në gol nga Dusan Vlahovic shmangu turpërimin e Juventusit në “Allianz Stadium” përballë Venezias.
Rezultati përfundimtar i këtij takimi ishte 2-2, me ekipin bardhezi që prej katër ndeshjesh në Serinë A njeh vetëm shenjën x.
Juventus e nisi mirë ndeshjen duke kaluar në epërsi përmes një goli Gatit në pjesën e parë. Megjithatë, Venezia barazoi rezultatin në minutën e 61-të me Mikael Ellertsson.
Idzes, për befasinë e të gjithëve përmbysi shifrat me golin e 1-2 në minutën e 83-të. Vetëm në kohën shtesë Juventusi gjeti golin e barazimit me 11-metërsh, duke shmangur turpërimin para tifozëve të tij.
