“Klasike” spektakolare në Dallas! Barcelona mposhti Realin e Madridit me rezultatin 3-0, në miqësoren e luksit që rezultoi tepër emocionuese. Pjesa e parë u mbyll me golin e Dembele në minutën e 15-të, teksa në të 20-tën, Vinicius Zhunior, humbi një 11-metërsh duke e dërguar topin në traversë.
Fragmenti i dytë i lojës regjistroi edhe 2 gola të tjerë. Kur të gjithë prisnin reagimin e madrilenëve, fundit rezultoi zhgënjyes për skuadrën e Ançelotit, që e pësoi edhe 2 herë të tjera në minutat 85 dhe 90+1. Fillimisht ishte talenti 20-vjeçar Fermin Lopez, që me një gjuajtje potente me të majtën e dërgoi topin në trekëndësh, ndërkohë që për të “vulosur” këtë sukses mendoi Ferran Torres në minutën e parë të shtesës.
Kjo ishte “Klasikja” e dytë radhazi që këto dy klube do të zhvillojnë në tokën amerikane pas asaj të sezonit të kaluar. Në Las Vegas fitonte po Barcelona me shifrat 1-0.
FT: REAL MADRID – BARCELONA 0-3
Dembele 15′, Fermin Lopez 85′, Ferran Torres 90+1
KOMENTI
Mbyllet sfida!
90+1′ GOOOOL BARCELONA 0-3/ Skuadra e Çavit realizon edhe golin e tretë me Ferran Torres, që pas një aksioni model, e kaloi topin mbi portierin Kurtua, teksa më pas me një gjysmë roveshatë e çoi në rrjetë.
85′ GOOOOL BARCELONA 0-2/ Katalanasit realizojnë edhe golin e dytë në miqësoren e luksit me anë të Fermin Lopez, që përfiton nga një gabim i Toni Kros në mesfushë dhe me një predhë me të majtën e dërgon topin në trekëndësh.
83′ Reali “flirton” me golin e barazimit. Vinicius futet bukur brenda zonës, provon me një gjuajtje të befasishme, por topi shkon ngjitur me shtyllën.
62′ Predhë e Tçuamenit nga distanca, topi përplaset në traversë, prek trupin e Ter Shtegen dhe shkon në goditje këndi. Shpëtojnë për mrekulli katalanasit.
46′ Starton pjesa e dytë!
Mbyllet pjesa e parë!
41′ Momente tensioni, plas sherri pas ndërhyrjes së gabuar të De Jong në mesfushë. Loja rifillon pas afro 2 minutash ndërprerje.
20′ Vinicius Zhunior humbet 11-metërsh duke e dërguar topin në traun e portës të mbrojtur nga Ter Shtegen.
15′ GOOOL BARCELONA 0-1/ Aksion spektakolar i katalanasve, Dembele, finalizon me sukses gjithçka, duke gjetur golin e avantazhit.
FORMACIONET ZYRTARE:
PANORAMASPORT.AL
