Rafael Leao dhe Teo Hernandez befasisht ishin lënë në stol nga trajneri Paulo Fonseka për takimin ndaj Lacios, teksa u futën në fushë në pjesën e dytë duke arritur që pas vetëm 30 sekondave të kombinohen për golin e Milanit.
Megjithatë, ajo që u vërejt dhe po bën bujë në mediat italiane, është fakti se dyshja refuzuan që të përfshiheshin në bisedën që Fonseka bëri me ekipin gjatë pauzës për t’u freskuar me ujë.
Pothuajse menjëherë pasi u fut në fushë, Leao bëri një vrapim fantastik në krahun e majtë duke u kombinuar me Hernandezin dhe Tami Abraham, për të shënuar golin e dytë të Milanit.
Ndeshja më pas eventualisht u ndërpre për pak çaste nga gjyqtari për t’u freskuar me ujë, aty ku trajnerët e shfrytëzuan për t’i dhënë këshilla lojtarëve të tyre.
Leao dhe Theo ishin të vetmit nga të dy ekipet që nuk iu bashkuan pjesës tjetër të bashkëlojtarëve.
Në vend të kësaj, ata pritën në krahun e majtë, pra kahun e kundërt të fushës ku janë të vendosur Fonseka dhe stafi i tij duke pritur që ndeshja të rifillonte.
Cooling Break al Milan, c è chi beve e chi ascolta il tecnico Fonseca nei pochi secondi a disposizione:
Tranne loro due: Theo e Leao.
Dal vivo, è una scena davvero un po particolare, a prescindere che fossero appena entrati (Anche il loro compagno Musah, lo era).. pic.twitter.com/9r9fOYZOod
— Paride Pasta (@paride_pasta) August 31, 2024
Goli i Leaos bëri që ndeshja të mbyllej me rezultatin 2-2 dhe kuqezinjtë arritën që të sigurojnë një pikë në këtë takim, por nuk e kanë gjetur ende fitoren këtë sezon.
PANORAMASPORT.AL
