Kristiano Ronaldo vazhdon të shënojë gola në Arabinë Saudite. Ylli portugez nuk ka ndërmend të ndalet, edhe pse në moshën 40-vjeçare, ai ka arritur të gjejë golin e radhës në kampionatin arab.
Skuadra e Al Nassr triumfoi me rezultatin 3 me 1 ndaj Al Kholod, teksa Ronaldo u ngjit në kuotën e 928 golave në karrierë me realizimin e sotëm.
GOLI I RONALDOS: VIDEO
Pesë herë fituesi i Topit të Artë, shënoi në minutën e 4-t për të hapur rrugën e fitores. Ndeshja nuk zgjati 90 minuta për portugezin. Trajneri Pioli vendosi ta largonte nga fusha në minutën e 74-t, duke qenë se skuadra gjendej me 10 lojtarë për shkak të kartonit të kuq të marrë nga Boushaili. Ky vendim nuk u prit aspak mirë nga Kristiano Ronaldo, i cili nuk u ul në stolin e rezervave, por u largua menjëherë drejt dhomës së zhveshjes, në shenjë revolte për vendimin e trajnerit.
Pioli saca a Cristiano Ronaldo al minuto 60 y Cristiano dale MUY MUY ENOJADO.
No se si sale enojado por el minuto o por alguna lesión, espero sea enojado con el payaso de Pioli.
— MT2 (@madrid_total2) March 14, 2025
PANORAMASPORT.AL
