Liverpool e Arsenal kanë bërë “detyrën” në fazën e 1/16-ve në EFL Cup, me të dy “gjigandët” e Premier League, që kanë mundur respektivisht skuadrat e Leicester e Brentford për të avancuar në fazën tjetër të kompeticionit.
Në “Anfield Road”, “të kuqtë” e Jurgen Klopp kanë mundur me rezultatin e thellë, 3 me 1, “dhelprat” e Leicester. Gakpo, Szoboszlai e Diogo Jota realizuan nga një gol në minutat 48’, 70’ e 89’ për të përmbysur golin e shënuar nga McAteer në minutën e 3’-të të sfidës, duke siguruar kështu fazën tjetër të Kupës.
Në krahun tjetër, “topçinjtë” e Arsenal mundën me rezultatin minimal, 0 me 1, “bletët” e Brentford në “shtëpinë” e këtyre të fundit. Goli i vetëm i sfidës erdhi që në minutën e 8’ të ndeshjes, ku pas një pasimi të Eddie Nketiah, 23-vjeçari i sulmit, Reiss Nelson çon topin në rrjetën e “tulipanit”, Mark Flekken, për të “vulosur” kualifikimin. /i.m /abcnews.al
SHIKONI GOLAT:
Brentford 0 – 1 Arsenal
Liverpool 3 – 1 Leicester
