Mançester Siti ka kaluar në turin tjetër të Kupës FA jo pa vështirësi sot, teksa ka mundur me shifrat 2-1 me përmbysje ekipin e Lejton Orient në transfertë. Skuadra e Pep Guardiolës, ku luanin shumë nga zgjedhjet e dyta, ka triumfuar vetëm duke përmbysur rezultatin në pjesën e parë.
Miqtë shënuan të parët pas një autogoli qesharak të portierit Ortega, kur Doneli lëshoi një gjuajtje nga gjysmëfusha me topin që u ndal nga traversa por u përplas te gardiani i “qytetarëve” dhe u ndal në rrjetë.
Megjithatë, golat në pjesën e dytë nga Riko Ljuis dhe Kevin De Bryjn, kthyen buzëqeshjen te Pep Guardiola dhe bënë të mundur që Mançester Siti të vazhdonte më tej në këtë turne.
Autogoli i Ortega (VIDEO)
Goli i Riko Ljuis (VIDEO)
Goli i De Bryjn (VIDEO)
PANORAMASPORT.AL
