Një javë pasi ‘ylli’ francez dështoi nga pika e penalltisë në Ligën e Kampionëve kundër Liverpool-it, ai përjetoi një tjetër zhgënjim nga 11 metra, ndërsa “Los Blancos” lejuan Barcelonën, kryesuese e kampionatit, të ruajë epërsinë prej katër pikësh. Alejandro Berenguer shënoi për Bilbaon në fillim të pjesës së dytë, ndërsa Jude Bellingham barazoi për Real Madrid pas humbjes së penalltisë nga Mbappé.
Megjithatë, zëvendësuesi Gorka Guruzeta i siguroi fitoren ekipit të vendit të katërt, Athletic Bilbao, në minutën e 80-të, pas një gabimi të Fede Valverdes.
Humbja dhe dështimi i Mbappésë në ekzekutimin e penalltisë shton më shumë presion mbi ish-sulmuesin e Paris Saint-Germain, i cili është përballur me shumë kritika javët e fundit.
“Një gabim i madh, në një ndeshje ku çdo detaj ka rëndësi. E marr plotësisht përgjegjësinë për këtë,” shkroi Mbappé në një postim në rrjetin social Instagram. “Një moment i vështirë, por është koha më e mirë për të ndryshuar këtë situatë dhe për të treguar kush jam.”
No es consuelo ni pretendo que lo sea, pero ver a Raúl Asencio ir a consolar así a Mbappé y a decirle que levante la cabeza habla muy bien de la mentalidad de este chaval. pic.twitter.com/czwH5IK6in
— Madrid Sports (@MadridSports_) December 4, 2024
