Transferimi nga PSG tek Al Hilal në Arabinë Saudite nuk ka rezultuar fatsjellës për Nejmar, i cili gjatë angazhimit me kombëtaren para një muaji ka pësuar një dëmtim të rëndë, që fillimisht u dyshua se mund t’i kushtonte edhe karrierën . Sulmuesi brazilian po rikuperohet nga dëmtimi i rëndë që në gjuhën mjekësore sportive njihet si ACL-ja (ligamentet e kryqëzuara të përparme) .
Ai po i nënshtrohet një terapie intensive rikuperuese. Nga një video që qarkullon në rrjetet sociale dëgjohet duke bërtitur nga dhimbjet e forta gjatë një terapie, u shfaq në rrjetet sociale.
Nejmar dëmtoi ligamentet e kryqëzuara gjatë ndeshjes së Brazilit kundër Uruguait, e vlefshme për kualifikueset e Kupës së Botës për zonën e Amerikës së Jugut. Nejmar i është nënshtrua operacionit dhe mendohet se do të jetë afro 10 muaj jashtë fushave të blerta. Ky dëmtim e kushtëzon brazilian edhe te kontrata e nënshkruar me Al Hilal, pasi sauditët ia kanë pezulluar përkohësisht kontratën Nejmarit, i cili përfitonte të ardhura marramendëse, deri 3 milionë euro në javë. Sezoni ka përfunduar për Nejmarin, por sulmuesi po bën të pamundurën dhe shpreson të jetë gati për Kupën e Amerikës Latine që zhvillohet verën e ardhshme.
Në rrjetet sociale është shfaqur një video e ushtrimeve rikuperuese, ku Nejmar bërtet nga dhimbjet e mëdha. “Ndalo, për hir të Zotit”, thërret Nejmar mes lotësh ndërsa stafi mjekësor i trajton këmbën.
Neymar during his rehabilitation process, don’t question this guys will to play. pic.twitter.com/haysUMloCK
— Neymoleque | Fan 🇧🇷 (@Neymoleque) November 24, 2023
;
PANORAMASPORT.AL
