Edhe pse nuk luan më në Champions-in e Europës, këto netë vazhdojnë të jenë të Kristiano Ronaldos, i cili vazhdon të japë spektakël edhe pse në moshën 38-vjeçare.
Sulmuesi portugez ishte protagonisti kryesor në fitoren e Al Nasr përballë Al-Duhail në Ligën e Kampionëve të Azisë me dy gola dhe një asist.
Në minutën e 25’, portugezi asistoi shokun e tij të skuadrës, Anderson Taliska me një pasë me finte, teksa braziliani kaloi në avantazh skuadrën e tij.
Pas golit të Sadio Manes, ishte pikërisht radha e Ronaldos për të tundur rrjetën, jo një, por dy herë me dy supergola.
Në minutën e 61’, 38-vjeçari lëshoi një predhë me të majtën nga distanca, e cila u ndal në trekëndëshin e portës.
Më pas, në minutën e 81’, me një gjuajtje fluturimthi, po me këmbën e majtë Ronaldo shënoi golin e dytë personal dhe të katërtin për Al Nasr, me rezultatin përfundimtar që shënoi 4-3 për ekipin e Ronaldos, duke qenë në vendin e parë në grup me pikë të plota dhe duke hedhur një hap të sigurt drejt kualifikimit më tej.
PANORAMASPORT.AL
