Xhud Bellingam dhe Vinicius kanë krijuar një lidhje të ngushtë në fushën e lojës me Real Madrid këtë sezon. Por në natën e të shtunës, ata ishin kundërshtar njëri me tjetrin, në miqësoren mes Anglisë dhe Brazilit.
Në fund të sfidës qe përfundoi 1-0 për “seleçaon”, shokët u takuan në dhomat e zhveshjeve për të shkëmbyer fanellat, me anglezin i cili nuk i rezistoi tundimit që të tallej me brazilianin që sapo e kishte mundur. “Nuk e dua” tha ai, duke ia hedhur përsëri mbrapsht Vinicius fanellën e tij, teksa të dy u përqafuan më pas duke qeshur.
Bellingam i dha sulmuesit një fanellë të tijën kujtim, ashtu si edhe Rodrigos, me të cilin gjithashtu janë shokë skuadre te Real Madrid, ndërsa i kërkoi një fanellë tjetër Vinicius për Deklan Rajs.
Respect 🏴🇧🇷🤝 pic.twitter.com/wClTLGRy8C
— England (@England) March 24, 2024
PANORAMASPORT.AL
