Në harkun kohor të dy ditëve, jeta profesionale e arbitrit anglez David Coote pësoi një tronditje të thellë profesionale që duket se është e pariparueshme.
Pasi u pezullua nga PGMOL (Professional Game Match Officials Limited), institucion përgjegjës për arbitrimin anglez, pas publikimit të një videoje ku ai ofendonte Jurgen Kloppin dhe Liverpoolin, gjyqtari 42-vjeçar është përfshirë në një polemikë të re.
Gazeta “Sun” publikoi një video të re, që mendohet se është filmuar një ditë pasi ishte në sistemin VAR në ndeshjen Spanjë-Gjermani në Euro 2024, në të cilën Coote shfaqet duke nuhatur një pluhur të bardhë, që nuk mund të identifikohet.
Përveç pezullimit në vendin e tij, emri i Coote gjithashtu nuk figuron në nominimet e UEFA-s për ndeshjet e kësaj jave dhe ka gjasa që ai të mënjanohet plotësisht ndërkohë që hetimet janë duke vazhduar, ashtu siç ndodhi në garat e brendshme në Angli.
Oh no, David Coote caught doing cocaine, he’s really is finished as a referee!
The video is apparently from the 2024 Euros where he was officiating 😳pic.twitter.com/OEnrTMtSu1
— Football Hub (@FootbalIhub) November 13, 2024
