Fiorentina është skuadra e parë gjysmëfinaliste e Kupës së Italisë. Ekipi i drejtuar nga Vinçenco Italiano ka mundur falë penalltive surprizën e këtij sezoni në Itali, Bolonjën, duke siguruar një vend në katërshen e më të mirëve.
Ndeshja mes dy skuadrave në Firence ka qenë shumë e luftuar, pasi edhe Bolonja kërkoi me ngulm kualifikimin, duke qenë e pafat pasi goditi shtyllën dhe traversën me Zirkze. Por në fund të 90 minutave rrjetat mbetën të paprekura dhe kështu vazhdoi edhe në kohët shtesë.
Ndaj për të përcaktuar gjysmëfinalisten e parë u deshën penalltitë ku Fiorentina shënoi të pesta gjuajtët, ndërsa për Bolonjën ishte vendimtar gabimi i Posh në gjuajtjen e fundit,.
SHIH VIDEON
Kësisoj, Fiorentina ia doli të shkonte mes katër më të mirave për herën e tretë radhazi, si asnjëherë më parë në historinë e vet, teksa nesër do të mësoje se kush mes Atalantës dhe Milanit do të jetë kundërshtari i saj i radhës.
PANORAMASPORT.AL
