Përballja e pasdites së kësaj të diele, e vlefshme për javën e 9 të Kategorisë Superiore mes Dinamo City e Teutës, e zhvilluar në “Elbasan Arena” ka dhuruar spektakël me “durrsakët” e Teutës, që përmbysën gjithçka duke siguruar 3 pikë “të arta” në garën për mbijetesë.
Sipari i golave u çel që në pjesën e parë, aty ku Kaçorri përfitoi nga një “përgjumgjje” e mbrojtjes së Teutës, për të çuar rezultatin në 1 me 0, rezulat që “vulos” dhe pjesën e parë të kësaj super sfide.
Me fillimin e pjesës së dytë, Denisson dyfishoi shifrat me një goditje fantastike në minutën e 55’ të sfidës, mirëpo golat e Peposhit, Filit dhe Jazxhit në minutat 73’, 84’ e 97’ përmbysën gjithçka duke i dhuruar 3 pikë me shumë vlerë “durrsakëve”.
Falë kësaj fitoreje, Teuta ngjitet në vendin e 8 të tabelës me 11 pikë, 1 më shumë se Kukësi dhe 4 më shumë se Dinamo City, që ndodhen në vendin e fundit të Superiores, me vetëm 7 pikë nga 9 ndeshjet e para të Superiores. /i.m /abcnews.al
SHIKONI GOLAT:
Goli i Luis Kaçorrit, 1-0:
Goli i Denisson, 2-0:
Goli i Ergys Peposhit, 2-1:
Goli i Realdo Filit, 2-2:
Goli i Artan Jazhi, 2-3:
