Zvicra mposhti me rezultatin 4-0 Estoninë në testin miqësor të zhvilluar mbrëmjen e sotme në stadiumin “Swisporarena” të Luzernit.
Pjesa e parë u mbyll me rezultatin 1-0 falë golit të realizuar nga Zuber në minutën e 20-të, ndërkohë që në fragmentin e dytë të lojës helvetët shënuan edhe 3 herë të tjera.
Amdouni në minutën e 47-të, ngriti shifrat në 2-0, ndërkohë që në minutën e 63-të, Elvedi shënoi për 3-0. Për golin që “vulosi” sfidën mendoi Xherdan Shaqiri në minutën e 70-të, ku me penallti shënoi për 4-0. Miqësoren e radhës para Europianit, Zvicra do e luajë më datën 8 qershor ndaj Austrisë.
GOLAT E NDESHJES: VIDEO
PANORAMASPORT.AL
