Robert Levandovski është kthyer me dy gola duke i dhënë Barcelonës një fitore shumë të vuajtur përballë Deportivo Alavesh.
Ekipi mik bëri surprizën teksa shënoi që në minutën e parë të sfidës me anë të Omorodion, duke shtangur vendasit kur regjistrohej vetëm sekonda e 17 e kësaj sfide. I njëjti futbollist më pas shpërdoroi dy raste të tjera shënimi, në një pjesë të parë që pa Alavesh të krijonte më shumë se Barcelona, ku vetëm Zhoao Feliks dukej në ditë të mirë.
Por në fillimin e pjesës së dytë, Levandovski me një gjuajtje me kokë barazoi shifrat, teksa më vonë, realizoi edhe golin e 2-1 nga pika e bardhë e penalltisë.
Kështu, katalanasit morën një sukses që i mban për momentin në vendin e tretë në renditje, duke shmangur humbjen e tretë në katër ndeshjet e fundit, në një moment kur janë hedhur dyshime mbi projektin e Çavit.
GOLI I OMORODION (VIDEO)
GOLI I PARË I LEVANDOVSKIT (VIDEO)
GOLI I DYTË I LEVANDOVSKIT (VIDEO)
PANORAMASPORT.AL
