Reali i Madridit mposhti me përmbysje 3 me 2 Leagnesin në duelin e vlefshëm për javën e 29-të të La Ligës.
Skuadra e Ançelotit kaloi e para në avantazh me Mbape në minutën e 32-të. Francezi u tregua i saktë nga pika e bardhë e penalltisë, ndërkohë që miqtë surprizuan me dy golat në minutën 33 dhe 41 me Garsian dhe Raba, duke e mbyllur pjesën e parë me rezultatin 1-2.
Për të shmangur dramën në “Santiago Bernabeu”, menduan Bellingham dhe Mbape, që përmbysën shifrat me golat në minutat 47 dhe 76-t, duke i dhuruar 3 pikë të arta kryeqytetasve.
GOLAT E NDESHJES: VIDEO
Ky ishte suksesi i 19-të në kampionat për Realin, që ka barazuar me pikë Barcelonën e vendit të parë, që ka edhe një ndeshje më pak. Në duelin e radhës Reali do të presë Valencian.
PANORAMASPORT.AL
