Mançester Siti u zyrtarizua matematikisht kampion, pa qenë e nevojshme të zbriste në fushën e lojës. “Qytetarët” e Pep Guaardiolës e festuan këtë kurorëzim nga “divani”, për shkak të humbjes së Arsenalit në transfertë ndaj Notingham Foresit me rezultatin 1-0. 
Siti fitoi titullin kampion të Premier Ligës për herë të nëntë në historinë e tyre dhe 3 radhazi në pesë vitet e fundit. Ndërkohë për sa i përket festës spontane të ditës së sotme, lojtarët e Pep Guardiolës ishin mbledhur në një dhomë duke parë ndeshjen e Notingham kundër Arsenalit në TV. Ishte fitorja e Forestit që i kurorëzoi matematikisht kampionë dhe kur arbitri dha bilbilin e fundit, lojtarët shpërthyen në festime. Ky moment është publikuar edhe nga vetë klubi në faqen zyrtare. Për më tepër shikoni pamjet:
The winning moment! 🎉 pic.twitter.com/QceofBIqoh
— Manchester City (@ManCity) May 20, 2023
PANORAMASPORT.AL
