Granada e Myrto Uzunit mposhti mbrëmjen e sotme Al Nasr-in e Kristiano Ronaldos & CO, me rezultatin 1-0 në testin miqësor të zhvilluar në stadiumin e Kadizit.
Ylli portugez nuk ishte i disponueshëm në këtë përballje, ndërkohë që në fushë nga minuta e parë u aktivizuan Brozoviç, Otavio, si dhe Tejes dhe Taliska. Nuk pati minuta as për Sadio Mane që e ndoqi sfidën nga stoli.
Për sa i përket Myrto Uzunit, futbollisti i Kombëtares shqiptare, u hodh ne fushë në minutën e 46-të, duke zënë vendin e autorit të vetëm të golit Boje.
Talenti beratas mbante numrin 10 mbi shpinë, teksa nuk arriti dot të gjente rrugën e rrjetës ndaj skuadrës së idhullit të tij Kristiano Ronaldo.
Al Nassr 0 – 1 Grenade 🇪🇸
pic.twitter.com/cTDPhInna7— SPL 🇸🇦 (@ActuSPL) August 4, 2024
PANORAMASPORT.AL
