Kthimi i Zoran Zekiç te Osijek duket se pak nga pak po ndryshon fatin e këtij klubi që kishte nisur shumë keq sezonin. Që kur i dha lamtumirën Partizanit për t’u kthyer në vendlindje, Osijek kishte fituar dy ndeshjet e fundit në kampionat, teksa sot i ka shtuar edhe kualifikimin në Kupën e Kroacisë, duke kaluar në çerekfinalet e turneut.
Osijek mundi me shifrat 1-0 Karlovac, një skuadër të kategorisë së tretë kroate, me një lojë që në fakt nuk ishte dominuese ashtu siç mund të mendohej. Edhe goli i vetëm i ndeshjes u shënua në minutën e 21-të të ndeshjes me penallti.
Megjithatë, kjo ishte një fitore historike, pasi rezulton se në të 6 takimet e mëparshme zyrtare mes ekipeve, Osijek kishte humbur 4 të tilla dhe barazuar 2 të tjerat. Ndaj për Osijek, kjo ishte fitorja e parë historike ndaj Karlovac në historinë e klubit.
PANORAMASPORT.AL
