Milani fitoi 1-0 në transfertë ndaj Hellas Verona-s në javën e 17-të të Serie A. Në stadiumin “Bentegodi”, pavarësisht emergjencës së plotë të dëmtimeve, e cila u theksua edhe më shumë në minutën e 30-të nga problemi muskulor i Leão-s, kuqezinjtë arritën të merrnin tri pikë thelbësore në një sfidë të vështirë dhe me pak raste për gol.
Ndeshjen e zhbllokoi në minutën e 56-të Reijnders, i cili shënoi pas një asisti të përkryer nga Fofana nga zona e treçerekut të fushës. Për ekipin verdheblu të Zanettit pati shumë raste potenciale, por jo të mjaftueshme për të thyer murin e ngritur nga Maignan.
Milani me këtë fitore shkon në kuotën e 26 pikëve, dy më pak se Juventusi, por ende larg pesë skuadrave të para që luftojnë për titullin dhe zonën Champions.
