Genoa ka konfirmuar emërimin e legjendës së Arsenalit, Patrick Vieira si trajner të ri i tyre. Genoa tha se Vieira do të marrë drejtimin e seancës së tij të parë stërvitore të mërkurën pasdite pas nënshkrimit të kontratës së tij në selinë e klubit në Villa Rostan.
“Grifone” shkarkoi papritmas trajnerin e tyre, Alberto Gilardino , të martën, vetëm pesë ditë përpara një ndeshje kyçe të Serie A kundër rivalëve të drejtpërdrejtë Cagliari.
Një ish-reprezentues francez, Vieira e filloi karrierën e tij si trajner në Manchester City me Elite Development Squad dhe më pas kaloi në Neë York City FC të lidhur me City Group.
Ai gjithashtu ka drejtuar Crystal Palace në Premier League, plus Nice dhe Strasburg në Ligue 1 të Francës.
Vieira ka përvojë futbolli në Serie A, pasi ka luajtur për Milanin, Juventusin dhe Interin. Ai bëri 100 paraqitje në ligën më të mirë të Italisë dhe shënoi 11 gola.
