Kristian Vieri këtë vit ka vetëm elozhe për Interin. Ish-bomberi i zikaltërve, nuk ka ngurruar të kritikojë shpesh skuadrën në vitet e kaluara, por këtë radhë mendon se Inzagi ka në dispozicion një përbërje shumë të fortë futbollistësh.
Duke folur për “Bobo TV”, ai ka theksuar se skuadra tani është në formë të shkëlqyer dhe ka alternativat e duhura për të qenë pretendente.
“Turam më pëlqeu shumë, ka luajtur shumë mirë dhe është gjithmonë i pranishëm në manovër. Arrin të dialogojë shumë mirë me të gjithë shokët e skuadrës.
Lautaro tashmë është bërë i pandalshëm, skuadra është super e fortë. Dje u çuan 5 lojtarë nga pankina dhe të gjithë janë të fortë, është një superskuadër. Këtë vit e ka nisur shumë mirë. Dimarko jep disa krosime të një cilësie të pabesueshme”, ishin elozhet e Vierit për skuadrën e Inzagit.
PANORAMASPORT.AL