Ballkani ka pësuar disfatë nga Viktoria Plzen në xhiron e parë të fazës së grupeve në Ligën e Konferencës.
Kampioni i Kosovës pësoi 1:0 nga Viktoria Plzen në stadiumin “Doosan Arena” në Çeki.
Golin e fitores për vendasit e realizoi Kalvach në minutën e 73-të të ballafaqimit nga distanca, falë edhe një devijimi.
Kalvach ishte futbollisti më i vlerësuar në fushë, sipas uebfaqes së specializuar të vlerësimeve “SofaScore”. Kalvach u vlerësua me notën më të lart 8.3.
Edvin Kuq dhe Qendrim Zyba ishin dy futbollistët më të vlerësuar te kampionët e Kosovës. Dyshja e mesfushës u vlerësuan me notën 7.2.
Sulmuesi Albin Berisha dhe qendërmbrojtësi Gentrit Halili ishin lojtarët me notën më të ulët nga radhët e “portokallezinjve”. Ata u vlerësuan me notën 6.3.
Viktoria Plzeň – KF Ballkani Live Score
Sfida ndërmjet Viktoria Plzenit dhe Ballkanit ishte në kuadër të Grupit C në Ligën e Konferencës.
Në këtë grup janë edhe Dinamo Zagrebi e Astana./Lajmi.net/
