Reali do të kthehet të luajë në fundjavë në La Liga. Në javën e 30-të skuadra e Ançelotit pret Bilbaon në “Santiago Bernabeu”. Një ndeshje e rëndësishme për llogaritë e titullit në Spanjë.
Për këtë ndeshje, trajneri italian nuk do të ketë në shërbim të tij sulmuesin Vinicius Zhunior. Braziliani ka mbushur numrin 5 të kartonëve të verdhë dhe do të jetë i pezulluar për këtë takim. Ndërkaq, javën e 31-të, Reali nuk do ta luajë ndeshjen e vet kundër Majorkës, e cila do të jetë e angazhuar në finalen e Kupës së Mbretit ndaj Bilbaos. Në këtë mënyrë ai do të kthehet në fushë vetëm më 9 prill kur Reali të presë Mancecster Sitin në ndeshjen e vajtjes në çerekfinalet e Ligës së Kampioneve.
Ndërkaq, lajmi i mirë për Realin është kthimi në stërvitje bashkë me grupin i Eder Militaos. Pas tetë muajsh braziliani është gati dhe parashikohet që mund të jetë në stol që në ndeshjen e kësaj të diele kundër Bilbaos.
PANORAMASPORT.AL
