Vllaznia kërkon të ruajë ritmin e rezultateve edhe në transfertën e vështirë të Korçës. Skënderbeu jo vetëm kundërshtar i vështirë, por edhe fusha e rënduar prej reshjeve të dëborës pritet ta bëjë të sikletshme sfidën e shkodranëve. Megjithatë Tomas Brdariç beson tek aftësitë e skuadrës së tij.
“Skënderbeu është i fundit, por ne kurrë nuk e nënvlerësojmë një ekip dhe si rrjedhojë përgatitemi në mënyrën e duhur për ta përballuar atë. E dimë se ku i ka pikat e forta dhe të dobëta dhe padyshim që synimi jonë për ndeshjen e nesërme është veç fitorja”.
“Është ndeshja e tretë brenda kësaj jave, e dimë që kushtet në Korçë do jenë të vështira, prandaj na duhet anë psikologjike e fortë, te jemi sa më mirë fizikisht. Skënderbeu është ekip mjaft mirë fizikisht, një miks me lojtarë të rinj dhe me eksperiencë, i aftë në tranzicion të shpejtë. Duhet të jemi sa më të vëmendshëm”.
