Vllaznia e mbyll vitin me fitore, 3-2 në “Loro Boriçi” përballë Flamurtarit në një ndeshje që erdhi për shikuesit në ekranin e RTSH 2.
Kuqeblutë, pas një ecurie pa fitore prej 6 javësh, kanë arritur të marrin tri pikët në këtë ndeshje të fundit për vitin 2025, e cila ishte e hapur deri në sinjalizimin e fundit të gjyqtarit.
Balaj e bëri të dukej gjithçka e lehtë për shkodranët duke shënuar që në minutat e para, ndërsa dyfishoi shifrat pa u mbushur 25 minuta lojë. Maksuti riktheu vlonjatët në lojë me golin e shënuar në fundin e pjesës së parë, por fillimi i pjesës së dytë solli një tjetër gol për vendasit me protagonist brazilianin Yago.
Vlonjatët reaguan përsëri duke shënuar me Diawara dhe për të mbetur në lojë deri në fund, por pa arritur që të shmangin humbjen.
Mbyllet 3-2, me Vllazninë që gjen fitoren pas 6 javësh(vendi i 4-ët me 30 pikë, ndërsa vlonjatët marrin një tjetër goditje, vendi i parafundit me 14 pikë.
