Trajneri i Vllaznisë, Tomas Brdariç ka folur për mediat në një konferencë për shtyp në prag të ndeshjes kundër Teutës (e vlefshme për javën e 14-të të kampionatit), që do të transmetohet në RTSH Sport nesër në orën 17:00.
“Fillon një fazë e rëndësishme e kampionatit, kemi punuar për të qenë sa më të përgatitur me Teutën, presim ndeshje të fortë fizike dhe psikologjike.
Duhet të fokusohemi tek loja, jemi ekip i fortë dhe duhet ti tregojmë vetes dhe tifozëve që e kemi ndeshjen në kontroll për 90 minuta. Duam maksimumin e pikëve nesër, pavarësisht se kundërshtari bën presing lart”, ka thënë mes të tjerash trajneri i shkodranëve.
