Vetëm edhe një ditë ka mbetur deri në ditën e ndeshjes kualifikuese mes Kombëtares shqiptare dhe asaj çeke për Kampionatin Evropian 2024.
Shqipëria dhe Çekia do të përballen të enjten nga ora 20:45 në stadiumin “Air Albania” në Tiranë, në kuadër të xhiros së gjashtë të Grupit E në kualifikimet për Kampionatin Evropian “Euro 2024”, shkruan lajmi.net.
E kjo sfidë sa vjen e afrohet më shumë, çmimet e biletave në “tregun e zi” po rriten vazhdimisht.
Në uebfaqen “merrjep” janë hedhur në treg biletat për ndeshjen Shqipëri – Çeki.
Çmimet e tyre kanë shkuar deri në 300 euro për një biletë, anise ato kanë kushtuar shumë më pak në uebfaqen e FSHF-së për bileta.
“Shiten bileta në mes të fushës për super ndeshjen Shqiperi – Çeki, vetëm persona serioz. 250 euro copa” – ka shkruar një person në këtë uebfaqe.
Përballja e të enjtes mbrëma është vendimtare për Shqipërinë e cila është lidere e Grupit E me 10 pikë të grumbulluara.
Çekia ka tetë pikë në pozitën e dytë, njëjtë sikur Moldavia që është e treta në grup. Polonia është e katërta me gjashtë pikë, ndërkohë Ishujt Faroe pa gjasa kanë grumbulluar një pikë në vendin e fundit./Lajmi.net/
