Pesë ditë pas vrasjes së Antonio Belokos, i cili u godit me thikë nga lideri historik i tifozërisë së Interit, Andrea Bereta, tifozët zikaltër do të organizojnë një takim për të rigjetur ekuilibrat e brendshëm.
Kapo ultrasit do të diskutojnë me njëri-tjetrin për të shuar përçarjet e brendshme. Lajmin e ka bërë të ditur Nino Ciçareli, edhe ai një tjetër tifoz prej shumë vitesh në organizimin e eventeve.
Në postimin e bërë ka një etiketim edhe për Marco Ferdikon, i cili ka qenë shumë i afërt me Belokon dhe shpesh poston foto të tijat. Pas ngjarjes së rëndë ka nisur një hetim i thellë edhe nga institucionet për të zbuluar lidhjet që kanë ultrasit zikaltër.
PANORAMASPORT.AL
