Deontay Wilder triumfoi ndaj Derek Chisora pas një përballjeje spektakolare që shkoi deri në fund, në një mbrëmje emocionuese në O2 Arena
.
Në ndeshjen e 50-të dhe të fundit në karrierën e tij, Chisora dhuroi një performancë të jashtëzakonshme, duke u rikthyer disa herë në duel edhe pse u gjend në vështirësi të mëdha.
Wilder tregoi fuqinë e tij që në raundet e para, duke e dominuar britanikun, por “Del Boy” reagoi fuqishëm dhe e mbajti luftën të hapur deri në fund.
Momenti më dramatik erdhi në raundin e tetë, kur Wilder e rrëzoi Chisorën në tokë. Megjithatë, 42-vjeçari u ngrit dhe vazhdoi luftën me një qëndresë të admirueshme, duke fituar ovacione të mëdha nga publiku vendas.
Pas 12 raundeve të forta, gjyqtarët vendosën me vendim të ndarë në favor të Wilderit (115-111, 112-115, 115-113), duke i dhënë amerikanit një fitore të rëndësishme që mund ta rikthejë në skenën e madhe të peshave të rënda.
View this post on Instagram
A post shared by DAZN Boxing (@daznboxing)
Pavarësisht humbjes, Chisora u përshëndet si hero nga tifozët londinezë, në një mbrëmje që shënoi fundin e një karriere të gjatë dhe plot emocione në boksin profesionist. /Telegrafi/
