Bayer Leverkuseni mund ta mbajë Florian Wirtz më gjatë se sa pritej.
Hans-Joachim Wirtz, babai dhe përfaqësuesi i lojtarit, ka ofruar një përditësim mbi të ardhmen e lojtarit, që po vlerësohet si premtues për tifozët dhe klubin gjerman.
“Florian ka një kontratë në Leverkusen deri në vitin 2027.
Kjo do të jetë përafërsisht sasia e kohës që ai do të kalojë në Leverkusen,” tha ai për “Kölner Stadt-Anzeiger”.
“Atëherë do të shohim se ku të çon rruga. Nuk ka përgjigje për atë që ndodh më pas”, shtoi Wirtz.
Pavarësisht interesimit nga klubet më të mira të Evropës, duke përfshirë Bayern Munichin, Florian Wirtz duket se ka të gjithë fokusin e tij për të ndihmuar Bayer Leverkusenin që të kurorëzohet me titullin e kampionit.
Leverkuseni po kalon një sezon fantastik dhe një pjesë të madhe të meritave padyshim se i ka 20-vjeçari, i cili deri tash ka kontribuar me tetë gola dhe 17 asistime.
Siç u raportua në dhjetor, reprezentuesi i Gjermanisë dëshiron të paktën të luajë në Ligën e Kampionëve me Bayer Leverkusenin, para se të ndërmarrë hapin tjetër në karrierën e tij.
Florian Wirtz ka kontratë të vlefshme me liderët e Bundesligës deri në verën e vitit 2027.
