Florian Wirtz është shpallur lojtari i sezonit në Bundesligë. Ky vlerësim nga Bundesliga gjermane vjen pas një edicionit ku Leverkusen ia doli ta fitojë titullin e parë në histori të klubit.
Wirtz ka qenë një futbollist kyç në suksesin e skuadrës së drejtuar nga Xabi Alonso, duke shënuar tetëmbëdhjetë gola në dyzet e shtatë ndeshje.
Përveç këtij suksesi, ai është përfshirë edhe në skuadrën paraprake të Gjermanisë për Kampionatin Evropian 2024.
Leverkusen është bërë skuadra e parë që përfundon një sezon të Bundesligës pa humbje. Kjo arritje e jashtëzakonshme është pjesë e një serie mbresëlënëse prej pesëdhjetë e një ndeshjesh të pamposhtur në të gjitha garat. Skuadra është ende në garë për dy tituj të tjerë: finalen e Europa League dhe atë të Kupës së Gjermanisë.
