Xabi Alonso i zë vendin Guardiolës? Duket se gjërat po lëvizin

Sipas asaj që raporton “The Telegraph”, Xabi Alonso përmendet si një nga tre emrat në listën e Manchester City për ta zëvendësuar Pep Guardiolën në të ardhmen. Në rrethet e Premier League po forcohet ideja se trajneri katalanas mund të largohet nga “Etihad” në fund të këtij sezoni, duke mbyllur një cikël 10-vjeçar në krye të ish-kampionëve të Anglisë.

Megjithatë, klubi ka mohuar zyrtarisht këto zëra, duke i quajtur thjesht spekulime. Pavarësisht deklaratave publike, media britanike thekson se City po përgatitet në heshtje për çdo skenar të mundshëm.

Xabi Alonso, i lirë pas ndarjes së fundit me Real Madridin, konsiderohet një kandidat serioz falë profilit të tij taktik, vizionit modern dhe eksperiencës në futbollin elitar evropian. Spanjolli vlerësohet veçanërisht për aftësinë për të ndërtuar shpejt skuadra konkurruese dhe të balancuara.