Trajneri i kampionëve gjermanë të Bayer Leverkusenit, Xabi Alonso, flet para ndeshjes kundër Borussia Mönchengladbach, me të cilën “Aspirinët” nisin mbrojtjen e titullit gjerman, të cilin e fituan për herë të parë në historinë e tyre sezonin e kaluar.
“E kaluara është e kaluara, ne mund të flasim vetëm për atë që na pret. Ne e dimë se çdo ndeshje do të jetë e vështirë dhe presim që ajo të fillojë nesër”, tha Alonso shkurtimisht për sezonin 2023/2024.
“Ne duhet të meritojmë gjithçka përsëri, ne duam të fitojmë pikët tona – për këtë na duhen përsëri paraqitje të mira. Kjo është e vetmja gjë në mendjen tonë dhe ky është qëllimi ynë i qartë. Gladbach ka një stadium të mrekullueshëm, ne mund të presim një atmosferë të shkëlqyer me 5000 tifozë të Bayer-it pas nesh. Pra, ka shumë arsye për një lojë të mirë dhe një paraqitje të mirë – dhe kjo është pikërisht ajo që ne duam të arrijmë,” tha Alonso për ndeshjen e ardhshme.
Bayer Leverkusen dhe Monchengladbach takohen nesër nga ora 20:30.
/GazetaBlic Sport
