Trajneri i Barcelonas, Xavi, thuhet se ka parë t’i refuzohet nga presidenti Laporta kërkesa e tij për të marrë yllin e Manchester United, Mason Greenwood.
Xavi e shikon sulmuesin anglez si një nënshkrim ideal për ekipin e tij, sipas El Nacional. Trajneri spanjoll e sheh Greenwood si numrin 10 perfekt për Barçën, por ai do të duhet të kthejë vëmendjen diku tjetër tani.
22-vjeçari anglez aktualisht është duke ringjallur karrierën e tij në klubin spanjoll Getafe, i huazuar nga Manchester United.
Karriera e Greenwood u ndal pasi ai u akuzua për tentativë përdhunimi në vitin 2021. Çështja u pushua në fillim të këtij viti dhe sulmuesi u kthye në futbollin profesionist, por Djajtë e Kuq vendosën të mos e kthenin në skuadër.
Pas pushimit të çështjes, Greenwood aktualisht po përpiqet të ringjallë karrierën e tij në Spanjë. Sulmuesi ka shënuar pesë gola dhe ka dhënë katër asiste në 17 ndeshje me Getafen.
Paraqitjet e tij i kanë bërë përshtypje trajnerit të Barcelonas, Xavi, i cili ka shfaqur interes për ta marrë sulmuesin 22-vjeçar në Camp Nou.
Megjithatë, kërkesa e tij u refuzua nga Laporta.
Presidenti i Barçës besohet të jetë i shqetësuar për polemikat që rrethojnë Greenwood.
