Pas titullit të fituar sezonin e kaluar, Barcelona nuk po kalon një periudhë të lehtë.
Skuadra e Xavit tashmë është 7 pikë prapa Real Madridit në renditjen aktuale dhe mbi të gjitha nuk po arrin të gjejë vazhdimësi në rezultate e paraqitje.
Ndeshjet e fundit, mes Ligës së Kampionëve dhe La Liga-s, kanë qenë shqetësuese dhe sidomos e fundit, ajo ndaj Almeria, e fituar 3-2, duket se ka lënë disa pasoja. Siç raporton “Mundo Deportivo”, shpërthimi i trajnerit pas ndeshjes nuk do të kishte qenë një rast i izoluar.
Larg kësaj, Xavi ka qenë shumë i zemëruar me lojtarët në dhomat e zhveshjes pas pjesës së parë, e cila përfundoi me rezultatin 1-1 (Leo Baptistao iu përgjigj Raphinha). Ish-mesfushori do të kishte thënë fraza të tilla si “dua të vraponi si derrat”, përpara se të sulmonte hapur një të paprekshëm si Robert Lewandowski.
Sulmuesi polak ka shënuar vetëm 9 gola në të gjitha garat deri më tani. Në La Liga e ka gjetur rrugën e rrjetës vetëm në një nga 5 ndeshjet e tij të fundit. Një moment delikat, i acaruar nga fjalët e Xavit, i cili ka kërkuar që të vrapojnë të gjithë në fushë.
Një moment tensioni që konfirmon thashethemet e përhapura ditët e fundit. Klima nuk është aspak e qetë dhe pozicioni i trajnerit nuk duket më aq solid.
