Xavi Hernandez ka mbetur i mahnitur me formën që po e shfaq Robert Lewandowski.
Sulmuesi polak ka shkëlqyer në javët e fundit duke shënuar gola të rëndësishëm dhe mbrëmë ia siguroi një barazim gjigantit katalunas ndaj Napolit në ndeshjen e parë të së tetës së finales së Ligës së Kampionëve.
E trajneri katalunas e ka dhënë një deklaratë befasuese në konferencë për shtyp duke insistuar se ish-futbollisti i Borussia Dortmundit dhe Bayern Munichut e riktheu shkëlqimin mbi të gjitha pasi Xavi e zbuloi vendimin e tij për t’u larguar nga Barcelona në fund të këtij sezoni.
“Ne e dominuam lojën dhe e merituam fitoren në këtë lojë.”
“Që kur e zbulova vendimin tim për t’u larguar, Lewandowski e ka bërë një hap të madh përpara dhe është në formë të mirë.”
“Ai ka shënuar gola mjaft të rëndësishëm në ndeshjet e fundit.”
“E njëjta gjë vlen edhe për Pedrin, i cili është në formë të mirë dhe e bëri një hap përpara që kur e tregova vendimin tim”, përfundoi Xavi.
