Albi Mall Superliga e Kosovës vazhdon me ndeshjet e xhiros së 21-të, ku sot (e diel) zhvillohen dy të fundit.
Në program janë për t’u zhvilluar ndeshjet në Ferizaj dhe Klinë, ku katër skuadra kërkojnë fitore për të mbetur në garë për objektivat që kanë.
Ferizaj do të pres Prishtinën, në një ndeshje që pritet të jetë tejet interesante.
‘Ujqit’ kanë humbur dy takimet e para nga kryeqytetasit dhe kërkojnë ‘hakmarrje’, derisa Prishtina synon që të vazhdoj me fitore në përballje me Ferizajn.
Sfidë shumë interesante pritet të jetë edhe përballja në ’18 qershori’ të Klinës, ku Dukagjini pret Gjilanin.
Vendasit kërkojnë tre pikë të reja pas triumfit në Suharekë, derisa Gjilani pas dy fitoreve radhazi në pranverë synon një tjetër tre pikësh që do t’i bënte ata kandidat serioz për Evropën.
Të dyja sfidat e ditës së sotme në Albi Mall Superligë fillojnë nga ora 13:00.
