Redon Xhixha gjen golin e radhës me Qarabagun. Kampionët e Azerbajxhanit po fitojnë 4-0 takimin e kthimit të raundit të parë në Champions League kundër Lincoln Red Imps.
Teksa triumfuan 1-2 edhe në sfidën e parë, me sulmuesin kurbinas autorin e golit të parë. 25-vjeçari ndodhet në formë të mirë sportive dhe sot ka ndëshkuar sërish skuadrën nga Gjibraltari.
Ishte minuta e 49’ kur Xhixha dërgoi topin në rrjetën kundërshtare, duke dërguar rezultatin përkohësisht në 3-0.
Arbitri anësor e anuloi në fillim për pozicion të parregullt, por pas ndërhyrjes së VAR-it, goli u cilësua i rregullt dhe ish-sulmuesi i Tiranës dhe Laçit nisi festën me shokët e skuadrës.
