Xhixhi Di Biaxho ka zbuluar një prapaskenë me mesfushorin Nikolo Barela, të cilin ia sugjeroi skuadrës së Sitit. “Barela është një nga ata që e kam rritur. Ishte vetëm 18 vjeç kur ishte me mua në ekipin e kombëtares U-21.
Më telefonuan nga Siti për të mësuar më shumë për të në aspektin e karakterit dhe si profesionist. Tani është e lehtë ta thuash, por unë në atë kohë iu thashë: Merreni direkt. Kur një klub i tillë të kërkon informacion për një lojtar është sepse në nivelin teknik e njohin mirë. Më pyetën si është si karakter. Unë e dija që ishte gjysmë i martuar dhe kishte një vajzë. Ishte gjithmonë në stërvitje, kishë dhe shtëpi. Ishte një profesionist i vërtetë.
Këtu bëhet diferenca. Madje iu thashë që ta merrnin shpejt sepse do të përmirësohej më shumë. Për fatin e Interit gjërat ndryshuan rrugës. Tani është përmirësuar në qëndrimin në fushë sepse ai ka lindur si mesfushor organizator. Më përpara futbolli ishte më shumë i rregullt, ndërsa tani ka ndryshime të mëdha”, tregon Di Biaxho. Ai gjithashtu flet edhe për Fratezin, të cilin e konsideron një lojtar shumë të rëndësishëm nga linjat e dyta dhe që ka më shumë mundësi për të qenë titullar në sezonin e ardhshëm.
PANORAMASPORT.AL
