Përgjegjësi i merkatos së Juventusit, Kristiano Xhuntoli, ka mbyllur thuajse zyrtarisht diskutimet në media për afrime dhe largime të lojtarëve të tjerë nga klubi bardhezi. Para sfidës së skuadrës së tij në Ligën e Kampioneve kundër Benfikës, ai theksoi se nuk do të bëheshin lëvizje të tjera në hyrje.
“Ne kemi thënë gjithmonë që të mos prekim asgjë në dalje dhe të afrojmë në ekip dy mbrojtës dhe një sulmues, gjë që e kemi bërë. Merkatoja jonë në këto momente është e mbyllur, pastaj do të jemi gjithmonë të vëmendshëm ndaj mundësive që janë në të njëjtën linjë me kërkesat tona”, tha Xhuntoli para mediave.
Ndaj duket thuajse e pamundur që Juventusi të heqë dorë edhe nga emra si Andrea Kambiaso që ishte kërkuar nga Mançester Sitit.
PANORAMASPORT.AL
