Lajme të mira për Barcelonën para ndeshjes kundër Girona-s pas pushimit ndërkombëtar: Lamine Yamal dhe Fermin Lopez janë rikthyer plotësisht në stërvitje me skuadrën.
Të dy lojtarët morën pjesë në seancën e plotë stërvitore të së hënës, duke shuar çdo dyshim në lidhje me gjendjen e tyre fizike pas disa ditësh me shqetësime të vogla.
“Wow, jemi kthyer dhe fitues, e pabesueshme!” – tha Fermin me entuziazëm sapo zbriti në fushë për stërvitje, duke reflektuar atmosferën pozitive në grupin ‘blaugrana’.
Megjithatë, situata nuk është plotësisht e qetë për trajnerin e Barcelonës. Raphinha vijon të jetë i padisponueshëm dhe është shumë e pamundur që të jetë gati për ndeshjen ndaj Girona-s.
Gjithashtu, Ferran Torres mbetet në dyshim, pasi pësoi një goditje gjatë angazhimit me Kombëtaren spanjolle.
Me rikthimin e Yamal-it dhe Fermin-it, Barcelona fiton dy alternativa të rëndësishme në fazën sulmuese, në një moment kur dëmtimet kanë prekur disa prej titullarëve. Kjo ndeshje ndaj Girona-s pritet të jetë një tjetër test i rëndësishëm për skuadrën katalanase në garën për kreun e La Ligës.
